پیپلز پارٹی نا چوہدری محمد یٰسین ایل اے۔11کوٹلی4-آن 27ہزار 566وونٹ ہلسا سرسہب ، مسلم لیگ (ن) نا راجہ محمد اقبال 25ہزار 739وونٹ ہلک

کوٹلی (پاکستان پوائنٹ نیوز۔22 جولائی۔2016) پاکستان پیپلز پارٹی نا چوہدری محمد یٰسین آزاد جموں و کشمیر نا کانود ساز اسمبلی نا حلقہ ایل اے۔11کوٹلی4-آن گچین کاری تے ٹی سرسہبی دوئی کرینے۔ غیر حتمی نتیجہ غاتا رداٹ چوہدری محمد یٰسین 27ہزار 566وونٹ دوئی کرے وخت اس کہ اونا مدمقابل مسلم لیگ (ن) نا راجہ محمد اقبال 25ہزار 739وونٹ دوئی کرینے۔