کوئٹہ۔(پاکستان پوائنٹ نیوز۔22 جولائی۔2016) مسلم لیگ (ن) نا صوبائی صدر وزیراعلیٰ بلوچستان نواب ثناء اللہ خان زہری پارینے کہ وزیراعظم محمد نواز شریف نا سروکی ٹی مسلم لیگ (ن) نہ صرف پاکستان نا ہر چار آصوبہ بلکن گلگت بلتستان و آزاد کشمیر نا ہم غٹ آن بھلا جماعت ءِ ہرانا ماسک الس اٹی ءُ و اینو نا گچین کاریک ہم ثابت کرینو کہ کشمیری الس کشمیر نا بابت وزیراعظم محمد نواز شریف نا حکومت ناپالیسی تیا پورو پت تخرہ ہرانا درشانی ءِ او فک مسلم لیگ نا اومیت دار آتے وونٹ ترسا کرینو۔
کشمیر نا کانود ساز اسمبلی نا گچین کاری تیٹی مسلم لیگ نا بھلو گیشتری اسیان خوشی و است جمی نا درشانی ءِ کرسا سرسہب اومیت دار آتے مبارکباد پیش کرے۔ وزیراعلیٰ گچین کاری نا پرامن چاگڑداٹی اڈتننگ آ پاک فوج و سیکورٹی فورسزآتا سرسہب کوشست آتا ہم ستاءِ کرینے۔
