ڈیرہ مراد جمالی (پاکستان پوائنٹ نیوز۔22 جولائی۔2016) مسلم لیگ (ن) نا باسک صوبائی اسمبلی کشور احمد جتک پارینے کہ آزاد کشمیر نا گچین کاری تیٹی مسلم لیگ (ن) ہرا پبی سرسہبی دوئی کرینے الس وزیراعظم میاں محمد نواز شریف و مسلم لیگ (ن) نا حکومت آ ہرا پت ءِ کرینو او مثبت پالیسی تا نتیجہ ءِ انتئے کہ الس شون و شونہالی خواہک حکومت اودے کرسا نشان تسنے۔
مسلم لیگ (ن) دا ملک آن بے روزگاری نا خاتمہ و امن نا اڈتننگ کن پبی جہد کننگ ءِ۔ داخیال آتادرشانی ءِ او صحافی تتون ہیت وگپ کرسا کرے۔ کشور احمد جتک پارے کہ آزاد کشمیر نا الس مسلم لیگ (ن) نا سروکی آ پت انا درشانی ءِ کرسا مسلم لیگ (ن) ءِ بھلو مینڈیٹ اس ترسا (ن) لیگ ءِ ہرا سرسہبی ءِ ترفینو انشاء اللہ وزیراعظم مسلم لیگ (ن) نا ہی مریک ہراکہ کشمیری الس نا پبی خذمت ءِ کیک مسلم لیگ (ن) آزاد کشمیر اٹی شون و شونہالی کن ہرا گام گیج آتے چست کرینے اوفتا بدولت آن الس سرسہبی ترفینے۔ اوپارے کہ مسلم لیگ (ن)نا مثبت پالیسی تا سوب آن شون و تعمیر نو اٹی ہرا ودکی مسنے مسکوہی ٹی اونا مثال ہم ملیپک و مخالفت نا باوجود ہم الس پت کرسا مسلم لیگ (ن) ءِ تینا نمائندہ جماعت سرپند کرسا سرسہبی ترفے۔
