وزیراعظم محمد نواز شریف نا بزرگ سیاستدان معراج محمد خان نا کذیت آ ہڑزخواہی نا درشان

اسلام آباد(پاکستان پوائنٹ نیوز۔22 جولائی۔2016) وزیراعظم محمد نواز شریف بزرگ سیاستدان معراج محمد خان نا کذیت آ ڈکھ و غم نا درشانی ءِ کرینے۔ جمعہ آ تینا بیان اٹی وزیراعظم اسہ سیاستدان و عمدہ انسان نا حیثیت آن اونا کڑد انا ستاءِ کرسا پارے کہ معراج محمد خان نا جمہوریت کن جہد بے مثل ءِ۔ اوپارے کہ معراج محمد خان اسہ پرعزم سیاستدان ئس ئسک ہراقومی سیاسی تاریخ نا وخت آ مشکل دوراٹی جمہوریت نا بالادستی کن سخت کوشست کرے ہراڑا اودے بروک آوخت آتے ٹی یات تخنگک۔ وزیراعظم دعا کرے کہ اللہ تعالیٰ ایماندار ءِ جنت الفردوس اٹی جاگہ ایتے و پدسلوک آ خاہوت آتے دا صدمہ ءِ سگنگ نا حوصلہ عطاء فرمائفے۔