کوئٹہ(پاکستان نیوز پوائنٹ 14نومبر2016ء) وزیراعلیٰ بلوچستان نا خصوصی کمکار بین الصوبائی رابطہ سید آغانواب شاہ السی جمہوریہ چین آن پاک چین اکنامک کوریڈور نا دیکی روٹ انا کمک اٹ درزن آ مال بردار گاڈی تا قافلہ غاتا گوادر آ سرمننگ نا خیرمقدم ءِ کرسا پارینے کہ گوادر بندرگاہ ءِ پاک چین اقتصادی راہداری ڈٹ اٹی مخ انا ملی نا حیثیت دوئی ءِ ، بندرگاہ آن واپارنا بناگوادر تون اوار مچ آ پاکستان نا الس و پوریاگر آتے کن تاریخی مزل انا نشان نا حیثیت تخک ہراڑآن روزگار نا وارخواہی ودنگ تون اوار اوار واپاری کچ اٹی ہم ودکی مریک۔
داہیت ءِ دوشنبے آ”اے پی پی“ تون اسہ خصوصی انٹرویو اسے ٹی پارے۔ سید آغانواب شاہ پارے کہ گوادر آخبت نا عظیم الشان بندرگاہ جوڑ مننگ والا ءِ ہرا مچ آ ڈیہہ نا الس نا قسمت ءِ بدلیفنگ اٹی اہم ترین کڑد ادا کیک، اقتصادی راہداری نا ڈٹ پاک چین تعلقداری تے پوسکن آ بلندی تسکان دننگ و ہڑتوم آ سنگت ملک آتا نیام اٹ تعلقداری تے پین سوگو جوڑ کننگ اٹ کمکار ثابت مریک، اوپارے کہ پاک چین اقتصادی راہداری ڈٹ آن بلوچستان اٹی واپار و صنعت ءِ مون آدننگ و شونداری و شونہالی نا روشن دور انا بناء مریک وخت اس کہ بے روزگاری ٹی کمتی و زرکارآتا ہن و براٹی ترندی و کاروبار ءِ مون آدننگ رسینگک۔
اسہ سوج اسے نا ورندی ٹی اوپارے کہ گوادر پورٹ آن مہالوواپاری قافلہ جہانی منڈی تے کن روانگی پاکستان و چین تون اوار مچ آ ڈیہہ کن مفید ثابت مریک وخت اس کہ داڑآن ہڑتوم آ ہمسایہ ملک آتا نیام اٹ تعلقداری تا اسہ پوسکن و مثالی دور اسے نا بناء مریک۔
