جمہوریت کن جہانگیر بدر نا قربانی تے ہرے اسکان یات تخنگک صدر مملکت ممنون حسین نا پیپلزپارٹی نا راہشون نا کذیت آ ہڑزخواہی نا درشان

اسلام آباد(پاکستان نیوز پوائنٹ 14نومبر2016ء) صدر مملکت ممنون حسین پاکستان پیپلزپارٹی نا راہشون جہانگیر بدرنا کذیت آ ڈکھ و افسوز نا درشانی ءِ کرینے۔ تینا ہڑزخواہی کلہو اٹی صدر مملکت عملی سیاست اٹی جہانگیر بدر نا کڑد انا ستاءِ کرسا پارے کہ جمہوریت کن اونا قربانی تے ہرے اسکان یات تخنگک۔ اوپارے کہ ایماندار جہانگیر بدر اسہ سنجیدہ ءُ سیاست دان اس ئس ہرانا جمہوریت نا بالادستی کن بھلوخذمت اسے۔ صدر مملکت ایماندار جہانگیر بدر نا خاہوت تون ہڑزخواہی نا درشانی ءِ کرے و اونا بخشش کن دعاہم کرے۔