اسلام آباد(پاکستان نیوز پوائنٹ 14نومبر2016ء) وزیراعظم محمد نواز شریف پنی سیاست دان و پیپلزپارٹی نا راہشون جہانگیر بدر نا کذیت آ دلی ڈکھ و غم نا درشانی ءِ کرینے۔ دوشنبے آ تینا ہڑزخواہی کلہو اٹی پدسلوک آ خاہوت تون ہمدردی نا درشانی ءِ کرسا وزیراعظم دعاکرے کہ اللہ تعالیٰ ایماندار ءِ جنت الفردوس اٹی جاگہ ایتے و پدسلوک آتے صبر کننگ نا توفیق عطاء فرمائفے ۔
ایماندار جہانگیر بدر نا خذمت آتے زبردست عقیدت پیش کرسا وزیراعظم پارے کہ پاکستانی سیاست نا سوگوی کن جہانگیر بدر نا خذمت آتے ہمیشہ یات تخنگک۔ اوپارے کہ او اسہ عظیم ءُ سیاسی میراث اس ئس ہرا ملک اٹی جمہوری اقدار آ باور کریکہ و اودانا مون آ دننگ کن بھاز کاریم کرے۔ وزیراعظم پارے کہ سیاسی پرخ آن قطع نظر ہر پاکستانی اودے ہرے اسکان یات تخک۔
