اسلام آباد(پاکستان پوائنٹ نیوز۔20 جولائی۔2016) صدر ممنون حسین ءَ گشتگ کہ حکومت بلوچستان ءَ ر ا ملکءِ دگہ دمگانی گوما ھم کچ کنگءِ ھاترءَ جزم ء ُ اُلسءِ زندمان ءَ را بُرز کنگءِ ھاترءَ دیم روئی کارانی سرءَ دلگوشی کنگءَ اِنت۔ آئی ءَ اے گپ بلوچستان اسمبلی ءِ دارچین راحیلہ حمید خان درانی ءِ گوما گپ ء ُ تران کنانءَ چارشمبےءِ روچءَ ایوان صدرءَ آئی ءِ گوما گندء ُ نندءِ وھدءَ کتگ۔
صوبہ ء ِ تہا امنء ُ ایمنی ءِ گہتریں جاور ءِ سرءَ سدکّی ءِ درشانی کتگء ُ صدر ءَ گشتگ کہ گوادر دھکہ ءِ فعال بوھگء ُ پاک چین اقتصادی راہداری ءِ سرجمی ءَ چہ بلوچستان ءَ دیمروئیء ُ وشھالیءِ نوکیں کشک پچ بنت۔ آئیءَ گشتگ کہ بلوچستان ءَ کاروباری ء ُ باپاری کارانی بحالی ء َ چہ روزگارءِ موھ پیداک بنتء ُ صوبہ دیم روئی ءِ کشکءَ رھادگ بیت۔ صدرءَ صوبہ ءِ تہا جمہوریت ءِ گیش مھکمی ءَ بلوچستان اسمبلی ءِ دارچین ءِ ارزشتءَ بانک راحیلہ حمید خان درانی ءِ کردءَ را ساڑاتگ۔
