قومی اسمبلی نا پبلک اکاؤنٹس کمیٹی نا ذیلی کمیٹی نا دیوان، نیشنل ہائی وے اتھارٹی نا 2010-11ء نا آڈٹ اعتراض نا جاچ ءِ ہلنگا

اسلام آباد (پاکستان پوائنٹ نیوز۔20 جولائی۔2016) قومی اسمبلی نا پبلک اکاؤنٹس کمیٹی نا ذیلی کمیٹی نا دیوان چارشنبے آ کنوینر سید نوید قمر نا کماشی ٹی مس ہراٹی کمیٹی نا باسک جنید انوار چوہدری تون اوار تعلقدار حکومتی ادارہ غاتا بڑزکو افسرآک شرکت کریر۔ دیوان اٹی وزارت مواصلات نا ذیلی ادارہ نیشنل ہائی وے اتھارٹی نا 2010-11 ء نا آڈٹ اعتراض نا جاچ ءِ ہلنگا ۔ پی اے سی ٹھیکیدار آتے بونس نا مد اٹی 59ملین آن زیات نا زر انا ادائیگی نا بابت آڈٹ اعتراض آ وزارت مواصلات ، چیئرمین نیشنل ہائی وے اتھارٹی و آڈٹ نا موقف ءِ خف توننگ آن گڈ عدم است جمی نا درشانی ءِ کرسا دامعاملہ ءِ کمیٹی نا بروک آ دیوان اٹی زیر غور ہتنگ نا فیصلہ کرے۔