اسلام آباد(پاکستان نیوز پوائنٹ 10نومبر2016ء) گوادر و صنعتی کمکاری نا بابت جوائنٹ ورکنگ گروپ چین پاکستان اقتصادی راہداری (سی پیک) نا رداٹ جاری ساڑی آ گام گیج آتا جاچ ءِ ہلک و آخبت نا ممکنہ ڈٹ آتا پیدواری ءِ کرے۔ گروپ نا دیوان سیکرٹری وزارت ڈٹ بندی و شونداری یوسف نسیم کھوکھر و بلوچستان نا چیف سیکرٹری سیف اللہ چٹھہ نا اسیجائی کماشی ٹی مس ہراٹی چین نا کنڈآن ڈائریکٹر جنرل انٹرنیشنل افیئرز چین نا نمائندگی ءِ کرے۔
چینی سفارت خانہ نا پولیٹیکل قونصلر ہم دیوان اٹی ساڑی ئس۔ دیوان اٹی کیہی ڈٹ آتا بابت درشانِ خیال کننگا۔ چینی نمائندہ غاک دیوان اٹی پاکستان و چین نا نیام اٹ سی پیک نا رداٹ جتا ڈٹ آتا اڈتننگ نا بابت تینا سلاہ غاتے تسر و تینا سلاہ غاتیان ساڑی مروک آتے معلومدار کریر۔ دیوان اٹی کیہی وزارت نا کمامدار و صوبائی حکومت آتا نمائندہ غاک ہم ساڑ ی ئسر۔
