کوئٹہ(پاکستان نیوز پوائنٹ 9نومبر2016ء) تاجر ایکشن کمیشن ءِ چیئر مین جعفر خان مندوخیل ءَ کوئٹہ پریس کلب ءَ پریس کانفرنس ءَ تران کنگ ءَ گشتگ کہ تاجر ایکشن کمیٹی پورا شہر ءِ درستیں واپار رات آنی حق ءِ ھاتر ءَ ہر وھد دست گٹ انت۔ اے موہ ءَ تاجر برات آنی راھشون ثناء اللہ خان ءِ سروکیءَ درجن آنی واپار آں چیئر مین جعفر خان مندوخیل ءِ سروک ءَ سرجمی بھروسہ کنگ ءَ تاجر ایکشن کمیٹی ءَ شمولیت ءِ جار جت انت۔
آئیءَ گشتگ کہ جعفر خان مندوخیل تاجر آنی حقیقی نمائندگ انت آئی ءَ ہر وھد تاجر ءِ فلاح ءِ ھاتر ءَ جہد کرتگ ءُُ تاجر ایکشن کمیٹی گوستگیں سے سال آں واپار ءِ جائز حق ءِ ھاتر ءَ ہر جاہ واپار آں گوں ھوار انت۔ آئی ءَ دِگہ گشتگ کہ کراچی ءَ یک سیاسی گل ءِ راھشون آنی نیمگ ءَ جنرل (ر) حمید گل ءِ باروا نا زیبا لبز کار مرز کرتگ آئی ءِ ماں سرجمی ءَ زار شانی کن انت پرچاکہ حمید گل یک محب وطن ءُُ پاکستانءِ واجہ کار آں ھساب کن انت۔
ثناء اللہ خان ءَ دِگہ گشتگ کہ واپار آں یکجا بوھگ ءَ ملک ءَ معاشی وشحالی کیت۔ آھر ءَ چیئر مین تاجر ایکشن کمیٹی جعفر خان مندوخیل ئیَ نوکیں شمولیت کنوک باسک آں وش آت کرتگ ءُُ گشتگ ءُُ گشتگ کہ واپار آنی حقوق ءِ ھاتر ءَ شہرءِ درستیں تاجر تنظیم آں گوں یکجا ہر فورم ءِ سرا توار چست بہ کن انت۔
