اسلام آباد(پاکستان نیوز پوائنٹ 8نومبر2016ء) صدر مملکت ممنون حسین ءَ پنت ءُُ شون کرتگ انت کہ پد منتگیں طبقہ آنی نا وانندگ زاھگ آں وانینگ ءِ گوں ھواری ءَ آھاں معاشی وڑ ءَ محکم کنگ ءِ ھاتر ءَ جامع منصوبہ ءِ ردا کار بہ کن ات۔ صدر مملکت ءَ اے پنت ءُُ شون راجی کمیشن برائے انسانی دیمروی ( این سی ایچ ڈی) ءِ یک ٹولہ ءِ گوں گپ ءُُ تران ءَ کرتگ۔ ٹولہ ءَ وزیر مملکت برائے بنجاہی وانگ ءُُ زانگ ءُُ ھیل کاری انجینئر بلیغ الرحمن ءِ سروکی ءَ آھاں گند ءُُ نند ءَ کرتگ۔
اے موہ ءَ این سی ایچ ڈی ءِ چیئر پرسن بانک روزینہ عالم ہم ھوار ات۔ آھاں صدر مملکت ءَ ادارگ ءِ سالروچی رپورٹ ہم پیش کرتگ۔ صدر مملکت ءَ وانگ ءُُ زانگ ءِ شرح ءَ زیات کنگ ءِ ھاتر ءَ این سی ایچ ڈی ءِ ھذمت ءِ ستا کنگ ءَ گشتگ کہ ھلکی دمگ ءَ دیمروی وانگ ءِ ھاترءَ ھذمت کنوک استاد آں قانود ءِ ردا ءُُ دومی سرکاری ملازم آنی بروبر معاوضہ ادا کنگ لوٹیت تنکہ آھانی ضلورت ہم پورا بہ بیت ءُُ وانگ ءِ معیار ہم شر بہ بیت۔
اے مکسد ءِ ھاتر ءَ ہمگرنچ ادارگ آں پنت ءُُ شون بہ کن ات کہ آ حکومت پاکستان ءِ پیسلہ ءِ ردا آھاں درستیں ضلوری آسراتی بہ دئینت۔ صدر مملکت ءَ جیل آں بند زاھگ ءُُ نا وانندگ بالغ آں وانندگ جوڑ کنگءِ کوشست ءِ سرا این سی ایچ ڈی ءِ سرا کرتگ ءُُ گشتگ کہ نو در بر آنی وانگ ءُُ ھیل کاری ءَ تہذیبی پس منظر ءِ ردا بہ کن ات گڑاآ زیات شر بئینت۔ اے سلسلہ ءَ این سی ایچ ڈی ءِ کرد سازی ءِ پروگرام باز پائدگی ثابت بیت۔
