مقدمے دی ولا ولا تریخ ملنڑ تے ملتان دا بزرگ سائل عدالت دے احاطہ اچ رو پئیا

لاہور(پاکستان نیوز پوائنٹ 8نومبر2016ء) مقدمے دی ولا ولا تریخ ملنڑ تے ملتان دا بزرگ سائل عدالت دے احاطہ اچ رو پئیا۔ملتان دا بزرگ شہری محمد اسلام اراضی تے قبضے دے خلاف لاہور ہائیکورٹ دے جسٹس انوار الحق دی عدالت اچ پیش تھیا ،عدالتی اوقات گزرنڑ پاروں بزرگ شہری دے مقدمت دی واری نہ آئی جئیں تے بزرگ شہری دلبرداشتہ تھی کراہیں رو پئیا،بزرگ شہری ڈسایا جو ایکسیڈینٹ پاروں اوندے جسم اچ پلیٹاں ہن ،تکلیف پاروں ولا ولا پیشی تے لاہور نی آسگدا ،بزرگ شہری ڈسایا جو سرگودھا دا بااثر بندہ انور خورشید کھنڈوالا تھانڑاں اربن ایریا سرگودھا دی حدود اچ اوندی ست کنال اراضی تے ناجائز قبضہ کر رکھیے ،پولیس اوندی دادرسی نی کریندی پئی جڈانجو عدالت اچ ولا ولا تریخاں ملدی پئین جئیں نال او گھاٹے صدمت توں دوچار اے۔

بزرگ شہری چیف جسٹس لاہور ہائیکورٹ توں اپیل کیتی جو اوندے مقدمت دا جلدی فیصلہ کرتے اونکوں انصاف ڈتا ونجے۔