بنجاہی وزیر برائے جہاز رانی ءُُ بندرگاہ سینیٹر میر حاصل خان بزنجو ءِ سول ہسپتال ءِ تر ءُُ تاب، گڈانی وھیل ءِ آماچ نا دراہ آں گوں گندءُُ نند

کراچی(پاکستان نیوز پوائنٹ 4 نومبر2016ء) بنجاہی وزیر برائے جہاز رانی ءُُ بندرگاہ سینیٹر میر حاصل خان بزنجو ءَ جمعہءَ سول ہسپتال کراچیءِ تر ءُُ تاب کرتگ ءُُ گڈانی وھیل ءِ آماچ نا دراہ آں گوں گندءُُ نند کرتگ۔ آئی ءَ راونڈ ءِ سرا ھستیں ڈاکٹر آں ہم گوں گپ ءُُ تران کرتگ۔ اے موہ ءَ بنجاہی وزیر میر حاصل خان بزنجو ءَ ڈاکٹر آں گڈانی وھیل ءِ نا دراہ شریں الاج دئیگ ءِ حکم برجاہ کرتگ۔ آئیءَ گندءُُ نندءِ وھد ءَ نا دراہ آں دلبڈی داتگ ءُُ زوت جان سلامتی ءِ ھاتر ءَ دعا کرتگ۔ پدا آئیءَ ہسپتال ءَ ھستیں آسراتی آنی ہم چارءُُ تپاس گپتگءُُ تسلا ءِ درشانی کرتگ۔