اسلام آباد(پاکستان نیوز پوائنٹ 4 نومبر2016ء) سینیٹ پولیس ٹریننگ سینٹر کوئٹہ آ دہشت گرد آتا جلہو نا برخلاف قرارداد مذمت نا منظوری ءِ تس۔ جمعہ آ ایوان بالا نا دیوان اٹی قائد حزب اختلاف سینیٹر اعتزاز احسن قرارداد پیش کرے۔ قرارداد اٹی پاننگانے کہ ایوان بالا 24اکتوبر آ پولیس ٹریننگ سینٹر کوئٹہ آ جلہو نا ترندی اٹ مذمت ءِ کیک ہراٹی 60آن زیات کارندہ شہید مسر ۔
ایوان بالا پدسلوک آ خاہوت آتون دلی ہڑزخواہی کیک و ٹھپی تا زوت جان جوڑی کن دعا گوءُ۔ قرارداداٹی پاننگانے کہ ایوان بالا پاکستان و خاص کر بلوچستان اٹی دہشت گردی نا واقعہ غاتیٹی پیش نا ملک و گڑاس ایجنسی تا اوار مننگ نا ہم مذمت ءِ کیک و حکومت آ زورشاغک کہ دننگا عنصر آتون آہنی دوتے اٹ مون تننگے۔ ایوان قرارداد نا امنائی اٹ منظوری ءِ تس۔
