ڈیرہ مراد جمالی(پاکستان نیوز پوائنٹ 4 نومبر2016ء) وزیراعلیٰ بلوچستان نا سلاہکار معدنیات و قدرتی وسیلہ حاجی محمد خان لہڑی پارے کہ بلوچستان شون نا شاہرا ہ آ روان ءِ۔ ساڑی آ صوبائی حکومت وزیراعلیٰ بلوچستان نواب ثناء اللہ خان زہری نا سروکی ٹی بلوچستان نا الس نا احساس محرومی و پسماندگی ءِ چٹفنگ کن پبی گام گیج کننگ ءِ۔ مسلم لیگ (ن) اسہ ملک گیر جماعت اسے ہراہمیشہ ملک انا جوڑ جاڑ و شون اٹی تینا کڑد ءِ ادا کرینے۔
داخیال آتا درشانی ءِ صحافی تتون ہیت وگپ کرسا کرے۔ حاجی محمد خان لہڑی پارے کہ الس ءِ پرامن چاگڑد و زند انا بنداوی آسراتی تا فراوانی ننا سیاست نا محور ءِ، نن نعرہ غاتا سیاست آآخا بلکن عملی کاریم تیا باور کینہ ہرانا بنداو آ بروک آ گچین کاری تیٹی ولدا آن پبی سرسہبی دوئی کرسا صوبہ نا شون نا عمل ءِ برجاتخنہ۔ اوپارے کہ صوبائی حکومت دوئی فنڈز انا سہی معرف ءِ باوری جوڑ کرسا جان جوڑی، تعلیم و آبنوشی نا بنداوی آسراتی تے الس نا درگہ اسکان سرکننگ ءُ وخت اس کہ امن نا اڈتننگ کن ممکنہ حد اسکان گام گیج کننگ انگ ءِ۔
