اسلام آباد(پاکستان نیوز پوائنٹ 3 نومبر2016ء) بنجاہی تاریخ ءُُ ادبی ورثہ ڈویژن ءِ ھاتر ءَ مزن وزیر ءِ مشیر عرفان صدیقی ءَ گشتگ انتکہ بلوچستانءِ جامعات ءُُ علمی ادارگ آنی معیار کتب ءِ دئیگ ءِ ھاتر ءَ لشکری رئیسانی ءِ نیمگ ءَ بندات کرتگیں کتاب دوست بلوچستان تحریک ءِ ہر ممکن کمک کنگ بہ بیت۔ اے گپ آئی ءَ بلوچستان ءِ معروف سیاسی راھشون، گوست سینیٹر ءُُ چاگردی کارندہ حاجی لشکری رئیسانی ءِ گوں گپ ءُُ تران کنگ ءَ کرتگ آھاں پنچ شمبے ءَ وزارت ءِ کار گِس ءَ عرفان صدیقی ءِ گوں گند ءُُ نند کرتگ۔
مشیر مزن وزیر ءَ گشتگ کہ وانگ یک ہم چاگرد ءِ دیمروی ءِ بنیاتی ذینہ انت۔ علم ءِ دیمروی ء َکتاب ءِ کرد باز ھاس انت ۔ ورنا نسل ءَ مطالعہ ءِ عادت چاگردءَ شریں رویہ ءِ نشو ءُُ نما کنت ءُُ انتہا پسندی ، تنگ نظری ءُُ برداشت نہ کنگ ءِ دل پروشی بیت۔ عرفان صدیقی ئَوتی وزارت ءِ ردا روکیں ادارگ نیشنل بک فاؤنڈیشن، اکیڈیمی آف لیٹرز، ادارگ دیمروی بنجاہی زبان، اقبال اکیڈمی، قائد اعظم اکیڈیمی ءُُ اردو سائنس بورڈ ءِ نیمگ ءَ بلوچستانءِ وانگی ادارگ آنی ھاتر ءَ کتاب دئیگ ءِ جار جتگ آئی ءَ اردو ءَ ابید انگریزی ، بلوچی، پشتو ءُُ سندھی زبان آں کتاب ہم ھوار بیت۔
آئی ءَ لشکری رئیسانی ءِ تحریک کتاب دوست بلوچستان ءَ یک شریں کوشست گشگ ءَ گشتگ کہ انچیں تحریک دومی صوبہ آں ہم بندات بوھگ لوٹیت۔ لشکری رئیسانی ءَ مشیر مزن وزیر ءِ شکر ادا کنگ ءَ گشتگ کہ کتاب ءِ تحفہ ءَ زیات ھچ چیز نہ بیت۔ مشیر مزن وزیر ءَ حاجی لشکری رئیسانی ءَ گندھار تہذیب ءِ ھوالہ ءَ کتاب ءِ نسخہ ہم پیش کرتگ۔ اے موہ ءَ نیشنل بک فاؤنڈیشن ءِ ایم ڈی ڈاکٹر انعام الحق جاوید، پاکستان اکیڈمی آف لیٹرز ءِ سروک پروفیسر ڈاکٹر قاسم بگھیو، ادارگ دیمروی بنجاہی زبان ءِ ایگزیکٹو ڈائریکٹر بانک تحسینہ جہان، بنجاہی تاریخ ءُُ ادبی ورثہ ڈویژن ءِ جوائنٹ سیکٹری سید جنید اخلاق ، مشہوود مرزا ءُُ ڈپٹی سیکرٹری سہیل مفتی ہم ھوار ات انت۔
