کراچی(پاکستان نیوز پوائنٹ 3 نومبر2016ء) کراچی نا مضفاتی علاقہ لانڈھی ٹی اِرا ٹرین نا نیام اٹ ڈوک لگنگ اٹی 17بندغ تپاخت وخت اس کہ 57آن زیات ٹھپی مسنو۔ ڈویژن سپرنٹنڈنٹ ریلوے کراچی نثارمیمن حادثہ نا بابت ہیت وگپ کرسا پارے کہ زکریا ایکسپریس لانڈھی ریلوے اسٹیشن نا خرک سلوک فرید ایکسپریس تون ڈوک لگاہرانا نتیجہ ٹی 17بندغ تپاخت وخت اس کہ 57آن زیات ٹھپی مسنو۔
اومستی پارے کہ ہڑتوم آگاڈیک ملک انا تہہ آن کراچی آ ہنارہ۔ حادثہ نا احوال ملنگ تون ریلوے کمامدار و انتظامیہ نا افسرآک جاگہ غا سرمسر و امدادی کارروائی تا چاروکی ءِ کریر۔ اوپارے کہ حادثہ ٹی تپاخت و ٹھپی مروک آتے جناح ہسپتال آ گدریفنگا ہراڑے اوفتے طبی امداد تننگ انگ ءِ۔ ڈی ایس ریلوے نا رداٹ اسہ ٹریک ءِ بحال کننگانے وخت اس کہ بروک آ منہ گھنٹہ ٹی ریلوے ٹریفک ہردے نا وڑ بحال مریک۔ ریلوے پولیس واقعہ نا ابتدائی جاست و پاست نا بناءِ کرینے وخت اس کہ بنجاانسپکٹر ریلویز واقعہ نا پورو انکوائری کن اینو کراچی آ سرمننگ ءِ۔ کمشنر کراچی اعجاز احمد خان میڈیاءِ پارے کہ امدادی کارروائی تے بروخت پورو کننگانے۔
