پنڈی بھٹیاں ٹی موٹروے آ گڑدانا سوب 15گاڈی ڈوک لگار، 10بندغ تپاخت، 70ٹھپی

اسلام آباد(پاکستان نیوز پوائنٹ 3 نومبر2016ء) پنڈی بھٹیاں ٹی موٹروے آ گڑد انا سوب 15گاڈی نا ڈوک لگنگ نا نتیجہ ٹی 10بندغ تپاخت و 70ٹھپی مسنو۔ نجی ٹی وی چینل نا رداٹ پنچ شنبے نا سہب پنڈی بھٹیاں ٹی موٹروے آ سکھی نا خڑک گڑد انا سوب 15مسافر گاڈی اسہ ایلو تون ڈوک لگار ہرانا نتیجہ ٹی 10بندغ تپاخت کریر و 70ٹھپی مسر۔ ریسکیو کمامدارآتارداٹ تپاخت کروک آ بندغ آتا لاش و ٹھپی تے سول ہسپتال پنڈی بھٹیاں آ گدریفینو۔ یات سلے کہ یخ آتا بننگ تون پنجاب نا کیہی شار تیٹی گڑدانا سوب حادثہ غاتیٹی بے پناہ ودکی مسنے۔ محکمہ موسمیات دا گڑد ءِ سموگ یعنی ’گرد آلود گڑد‘ نا پن تسنے۔ محکمہ موسمیات نا رداٹ سموگ نا چرجوئی بروک آ 5دے اسکان برجاء سلنگ نا گمان ارے۔