اسلام آباد(پاکستان نیوز پوائنٹ 31اکتوبر2016ء) الیکشن کمیشن اٹی تحریک انصاف نا سروک عمران خان نا نابودی نا درخواست نا سماعت پگہ(چارشنبے)آ مریک۔ کمیشن نا کنڈآن جاری کروک آ نوٹس نا رداٹ عمران خان نا ازخود پیش مفننگ آ درخواست آ یکطرفہ وڑاٹ فیصلہ کننگک، چیف الیکشن کمشنر جسٹس (ر) سردار محمد رضا و ہر چارآ صوبائی ممبران الیکشن کمیشن عمران خان نا برخلاف مسلم لیگ (ن) نا باسک طلال چوہدری، دانیال عزیزو ایلوفتا درخواست نا سماعت ءِ کیرہ ہراٹی اوفک موقف اختیار کرینو کہ عمران خان آئین نا آرٹیکل 63نا شق 2آ پورو سلپک ہنداخاطران اودے نابود گوندنگے۔
الیکشن کمیشن نا کنڈآن عمران خان ءِ نوٹس جاری کننگاسس کہ او 2نومبر 10بجہ غا الیکشن کمیشن سیکرٹریٹ اٹی پیش مرسا دابابت تینا ورندی ءِ داخل کے۔ اگہ او پیش مرسا ورندی تننگ کتو دامعاملہ غا اونا ساڑی مفننگ اٹی فیصلہ کننگک۔
