اسلام آباد (پاکستان پوائنٹ نیوز28دسمبر 2018ء) ملک ءَ ایٹماسپیئر ءِ رکھینگ ءُُ موسمی مٹ ءُُ بدلی ءِ رند پد ءِ رد ءَ تکنیکی ءُُ مالی کمک، پٹ ءُُ پول ءُُ سرپدی آناں گیش دیمروئی دیگ ءِ واستہ وزارت ءِ موسمی مٹ ءُُ بدلی ءُُ آغا خان فاؤنڈیشن ءِ نیام ءَ وت مہ وتی تپاکی کنگ بوت۔ اے رد ءَ آدینگ ءِ روچ ءَ یک تاتگیری مسل ءِ دست چنگل جنگ بوت۔ یاتگیری مسل ءِ سر ءَ وازارت ءِ موسمی مٹ ءُُ بدلی ءِ سیکرٹری شاہ رخ نصرت ءُُ آغا خان فاونڈیشن ءِ چیف ایگزیکٹیو آفیسر اختر اقبال ءَ دست چنگل جت۔
اے موہ ءِ سر ءَ مزن وزیر ءِ مشیر برائے موسمی مٹ ءُُ بدلی ملک امین اسلم ھم ساڑی اَت۔ یاتگیری مسل درستی ھشت ٹک آنی ایگ اِنت ایشانی تہ ءَ موسمی مٹ ءُُ بدلی ءِ ھوالگ ءَ تکنیکی کمک، تکنیکی زانشت، معاشی کمک، آغا خان فاؤنڈیشن ءِ سروکاری دیمروئی فنڈز ءُُ وزارت ءِ موسمی مٹ ءُُ بدلی ءِ وسیلگ ءَ ڈنی معاشی کمک ءَ تاں پجگ ، اُلس آنی تہ ءَ ایٹماسپیئر ءِ بابت ءَ زانشت ءِ شنگ ءُُ تالان کنگ، دومی ایٹماسپیئر ءِ سر ءَ کار کنوکیں گل آں گوں رابطہ آناں ودینگ ءُُ موسمی پٹ ءُُ پول آناں زوت چاپ ءُُ شنگ کنگ ھوار اَنت۔
