اسلام آباد (پاکستان پوائنٹ نیوز28دسمبر 2018ء) چیئرمین سینیٹ محمد صادق سنجرانی ءَ گوشت کہ نودربر وتی توامیں ھاٹیگ ءَ وانگ ءُُ زانگ ءِ دزگیری ءَ دلگوش بکن اَنت تانکہ ملک ءِ دیمروئی ءِ تہءَ گیشاں گیش وتی کرد ءَ پیلو کت بکن اَنت۔ اے گپ آئی ءَ آدینگ ءِ روچ ءَ گورنمنٹ ڈگری کالج دالبندین، ضلع چاغی ءِ نودربر ءُُ رھشون آنی شست کسی ڈل ءَ اسلام آباد ءَ آئی ءَ گوں گند ءُُ نند کتت۔
سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ آئی ءَ گوشت کہ بلوچستان ءِ زانشتی ادارگ آنی تہ ءَ وانگ ءُُ زانگی چست ءُُ ایر آں ھوار لیب ءُُ گوازی ءِ دیمروئی ءُُ ایندگر آسراتی آنی پجاری ءِ واستہ کوشست جاڑی اَنت ءُُ اے رد ءَ گورنمنٹ ڈگری کالج دالبندین ءِ نودربر آناں لیپ ٹاپ پُجارینگ ءِ واستہ حکومت ءَ گوں گپ ءُُ تران بوھگ ءَ انت ءُُ زوت 70ءِ کساس لیپ ٹاپ بھر ءُُ بانگ کنگ بیت۔
