اسلام آباد (پاکستان پوائنٹ نیوز27دسمبر 2018ء) مز ن وزیر عمران خان ءِ سروکی ءَ بنجاہی کابینہ ءَ دروگیں اکاؤنٹس ءِ ہوالگءَ جے آئی ٹی رپورٹ ءَ ہوار 172مردمانی نام ای سی ایل ءَ ہوار کنگ، چینی مارکیٹ ءَ داخل بوہگءَ پانڈا بانڈ جوڑ کنگ، فرخ سبزواری ءَ را ایس ای سی پی چیئرمین ، عامر عظیم باجوہ ء ُ ڈاکٹر خاور صدیق ءَ را پی ٹی اے ءِ باسک جوڑ کنگ، نیوز پرنٹ ءِ سرءَ ریگولیٹری ڈیوٹی 5ءَ چہ کنگء ُ یک درسد کنگ، سٹیل ملز ءِ بقایاجات تاں 2019ءَ ادا کنگء ُ ڈاکٹر عطاالرحمان ءِ سروکی ءَ ٹیکنالوجی ٹاسک فورس جوڑ کنگءِ منظوری ، شمالی وزیرستان ء ُ مکران ءَ موبائل سروسز بحال کنگ بوہگءَ اَں۔
الطاف حسین ءِ کوش ءِ حکم ء ُ زھرشانی گوشتانک دیئگء ُ کراچی ءَ ساؤتھ افریقین گینگ ءِ سُرپرانی سرءَ تکانسری ءِ درشانی کتگء ُ مزن وزیر عمران خانءَ دری کارانی وزارت ءَ ساؤتھ افریقہ ء ُ برطانیہ ءِ دیما اے جیڑہ ءَ را چست کنگءِ پنتء ُ شون کتگ، بنجاہی کابینہ ءَ موبائل لائسنس جوڑ کنگءِ جیڑہ مھتل کتگ، 15جنوریءَ پد ہم 10درسد ٹیکس ءَ گوں موبائل فون رجسٹریشن بوت کناں۔
پنچ شمبے ءِ روچءَ حالء ُاحیوال کاری ءِ بنجاہی وزیر چوہدری فواد حسین ءَ کابینہ ءِ دیوانءَ پد حال درءَ را شونشت داتگء ُ حال داتگ کہ جوائنٹ انوسٹی گیشن ءِ رپورٹ مزن شاہ آمید گس ءَ جم بوتگ کہ اِدءَ ایف آئی اے ءَ بازیں چیزے پدر کتگ کہ ایشاں چہ زانگ بیت کہ پہ سندھ حکومت ءَ را منی لانڈرنگءَ کارمرز کنگ بوتگ ء ُ بازیں مالء ُ مڈی دروگیں اکاؤنٹس اَں چہ وصول کنگ بوتگ ۔ بنجاہی کابینہ ءَ فیصلہ کتگ کہ 172مردم جے آئی ٹی ءَ اَں درسانی نا م ای سی ایل ءَ مان کنگ بنت۔ آئیءَ گشتگ کہ حکومت ء ُ ادارگ اُلسءِ یک یک کلدارءِ حسابءَ گیپت۔
