قطری وزارت داخلہ نا دائریکٹر میجر عبداللہ خلیفہ المحندی و وزیراعظم نا خصوصی کمکار اوورسیز پاکستانی سید ذوالفقار عباس بخاری آبپارہ ٹی قطری ویزہ سینٹر نا بناءِ کریر

قطری وزارت داخلہ نا دائریکٹر میجر عبداللہ خلیفہ المحندی و وزیراعظم نا خصوصی کمکار اوورسیز پاکستانی سید ذوالفقار عباس بخاری آبپارہ ٹی قطری ویزہ سینٹر نا بناءِ کریر

اسلام آباد (پاکستان پوائنٹ نیوز27دسمبر 2018ء) اسلام آباد اٹی قطر ویزہ سنٹر نا بناءِ کننگانے، قطری وزارت داخلہ نا ڈائریکٹر میجر عبداللہ حلیفہ المحندی و وزیراعظم نا خصوصی کمکار اوورسیز پاکستانی سید ذوالفقار عباس بخاری جی سکس آبپارہ ٹی پوسکن آ قطری ویزا سینٹر نا بناءِ کریر۔ داوخت آ قطر نا وزارت ایڈمنسٹر یٹو ڈویلپمنٹ، لیبر و سوشل افیئرز نا لیبر ایکسپرٹ محمد علی المیر آن بیدس قطر و پاکستان نا بڑزکو کمامدارآک ہم ساڑی ئسر۔

بنانا وخت آ وزیراعظم نا خصوصی کمکار اوورسیز پاکستانی سید ذوالفقار عباس بخاری پارے کہ ویز ا سینٹر نا جوڑ کننگ آن پاکستان و قطر انا تعلقداری تے پین مون آ دننگک۔ وزیراعظم عمران خان نا وژن نا رداٹ پاکستانی تے پیشن نا ملک ملازمت آتا دوئی کن ویزا سینٹر نا جوڑ کننگ آن بھاز انگا آسراتی دو بریرہ۔ ویزا سینٹر آ ہردے 120 بندغ ءِ ویزہ جاری کننگ نا آسراتی ملک۔

غٹ آسراتیک اسہ چھت اسے نا کیرغ آن ملرہ۔ ویزا سینٹر نا جوڑ کننگ اٹی پاکستان قطری حکومت تون پورو کمک کرینے۔ قطر وزارت داخلہ نا ڈائریکٹر میجر عبداللہ خلیفہ المحندی پارے کہ ہرا مابت، خلوص، اودے پاکستان آن ملانے او پین جاگہ اس خننگ تنے، قطر چندی ملک آتے ٹی ویزا سینٹر ملنگ نا فیصلہ کرے ولے پاکستان ءِ 8 ملک آتا فہرست اٹی غٹ آن اول تخنگا۔

ویزا سینٹر نا جوڑ کننگ آن داڑے ویزہ نا دوئی کن آسراتی میسر بریک۔ اوپارے کہ سینٹر نا جوڑ کننگ اٹی پاکستان نا پورو کمک دوئی ئس ہرانا سوب آن دا سینٹر ءِ ملنگ اٹ آسانی مس۔ قطر لیبر منسٹری نا نمائندہ محمد علی المیبر پارے کہ او پاکستان نا منت وار ءِ کہ او ویزا سینٹر نا جوڑ کننگ اٹ اوفتے تون کمک کرے ، دا سینٹر نا جوڑ کننگ آن پپد ہڑتوم آ ملک آتا تعلقداری تے ٹی پین گچینی بریک و بھاز انگا بندغ آتے ملازمت نا دوئی کن فائدہ دوئی مریک۔

ویزا سینٹر نا جوڑ کننگ آن قطر اٹی پاکستانی پروفیشنل و کسبکار بندغ آک قطر اٹی مروک آ فیفا ورلڈ کپ 2022 ء کن جوڑ کروک آ ڈٹ آتا پوروی ٹی بشخ ہلنگ کیک۔ مہالو ویزہ قطر آن جاری کننگاکہ ولے ویزا سینٹر نا جوڑ کننگ آن پد داسہ ویزہ داکان جاری کننگک۔ سینٹر ز قطر اٹی ویزہ و ہنکینی موکل نامہ جاری کننگ نا عمل نا ترند بنداو تیا پوروی ءِ المی جوڑ کین