مسیح برادریک ملک وقوم انا ہروڑاٹ خذمت ءِ کرینو، بے رنگ و نسل تینا اقلیت آتے بریبر حق تروئی ءِ انتئے کہ دا ننا غٹ انا پاکستان ءِ ، ڈپٹی اسپیکر قاسم خان سوری

مسیح برادریک ملک وقوم انا ہروڑاٹ خذمت ءِ کرینو، بے رنگ و نسل تینا اقلیت آتے بریبر حق تروئی ءِ انتئے کہ دا ننا غٹ انا پاکستان ءِ ، ڈپٹی اسپیکر قاسم خان سوری

کوئٹہ (پاکستان پوائنٹ نیوز26دسمبر 2018ء) ڈپٹی اسپیکر قاسم خان سوری پارینے کہ مسیح برادریک ہروڑاٹ ملک و قوم انا خذمت ءِ کرینو ننے بے رنگ و نسل تینا اقلیت آتے بریبر نا حق تروئی ءِ انتئے کہ دا ننا غٹ انا پاکستان ءِ، داخیال آتا درشانی ءِ او ارشد گل نا ہنکین آ کرسمس نا کیک ءِ کاٹ کننگ آن پد ہیت وگپ کرسا کرے ڈپٹی اسپیکر قومی اسمبلی قاسم خان سوری پارے کہ مسیحی برادری تا بلوچستان نا شونداری و شونہالی و تعلیم و جان جوڑی نا بشخ آتے ٹی کلیدی کڑد ادا کننگ ءُ و پاکستان تحریک انصاف نا حکومت اقلیت آتا حق انا رکھ و اوفتے غٹ تر آسراتی تننگ کن ہروڑنا گام گیج چست کرے اوپارے کہ کرسمس نا بابت غٹ مسیح برادری تے کن نیک است خواہی نا درشانی ءِ کرسا اوفتے مبارکبادی تس۔

اوپارے کہ نن بے رنگ و نسل تینا اقلیت آتے بریبر نا حق تروئی ءِ انتئے کہ دا ننا غٹ انا پاکستان ءِ ، قاسم خان سوری پارے کہ مسیحی برادری تا بلوچستان نا شونداری و شونہالی و تعلیم و جان جوڑی نا بشخ آتے ٹی کلیدی کڑد مسنے و پاکستان تحریک انصاف نا حکومت اقلیت آتا حق انا رکھ و اوفتے غٹ آسراتی تا فراوانی کن ہروڑنا گام گیج چست کیک۔ اومسیحی برادری ءِ کرسمس نا مبارکبادی ترسا غٹ کمیونٹی کن نیک است خواہی نا درشانی ءِ کرے۔