کوئٹہ (پاکستان پوائنٹ نیوز26دسمبر 2018ء) سلاہکارلائیواسٹاک وزیراعلیٰ بلوچستان مٹھاخان کاکڑ پارینے کہ تعلیم ءِ لس کننگ کن حکومت پبی کوشست کننگ ءِ ، تعلیم ہر چنانا بنداوی حق ءِ ، تعلیم آن بیدس ہچ ءُ قوم اس شون ہلنگ کپک تعلیم ہر قوم اکن زیور آنبار ءِ ولے بدقسمتی اٹ ننا تعلیمی نظام اٹی بھاز انگا خامیک ءُ ہرافتے مر کننگ بھاز المی ءِ۔ داخیال آتا درشانی ءِ او اسہ مچی اسے آن تران کرسا کرے۔
اوپارے کہ بلوچستان اٹی استاد آک جوان وڑاٹ تینا فرض ءِ پورو کپننگ ءُ ہراناسوب آن ننا خواندگی نا کچ ودنگ نا جاگہ غا کم مننگ ءِ۔ اوپارے کہ مسکوہی حکومت آک تعلیم آ ہچ ءُ خاص ءُ چکار اس کتوس، ہرانا سوب آن ہزار آتا کچ اٹی چناک اسکول آتیان پیشن ءُ۔ ہنداوڑ ضلع ژوب اٹی خلقی و شاری علاقہ غاک ءُ ہراڑے اسکول نا پن و نشان اسکان اف ہرا مسکوہی نمائندہ غاتا کارکڑد آ سوج انا نشان اسے ہنداخاطرآن حکومت دا عہد ءِ کرینے کہ تعلیمی نظام نا گچینی کن عملی گام گیج چست کننگک تانکہ ناخواندگی ءِ کم آن کم کننگے و الس ءِ آب اٹ تعلیم تننگے۔ >
