کوئٹہ (پاکستان پوائنٹ نیوز26دسمبر 2018ء) بلوچستان بورڈ آف انٹرمیڈیٹ اینڈ سیکنڈری ایجوکیشن کوئٹہ نا چیئرمین پروفیسر محمد یوسف خراسانی بلوچ ءِ بلوچستان بورڈ آف انٹرمیڈیٹ اینڈ سیکنڈری ایجوکیشن کوئٹہ نا سیکرٹری شوکت سرپراہ، کنٹرول امتحانات سید عباد اللہ شاہ غرشین ئسک چیئرمین بورڈ آف انٹرمیڈیٹ اینڈ سیکنڈری ایجوکیشن کوئٹہ نا پروفیسر محمد یوسف خراسانی بلوچ ءِ مبارکبادی ترسا پاریر کہ خواجہ نا تعیناتی مچ آ صوبہ ٹی تعلیم ءِ مون آ دننگ اٹی گچینی کن کارآمد جوڑ مریک ، تعلیمی ویل آتے ایسر کننگ اٹ پروفیسر یوسف خراسانی بلو چ نا اہم ءُ کڑد اس مسنے و مریک، اوفک پاریر کہ نقل نا چٹفنگ کن اونا خذمت آتیان فائدہ دوبریک۔
اوپارے کہ راج اٹی خوانوکءُ آخا سند ہلوک ءُ بندغ ملک، ننے تعلیمی آب ءِ بڑز کرسا ایمرجنسی بنداو تیا کاریم کننگ نا گرج ءِ تانکہ ننا ادارہ غاتیان پیش تموک ہنوک آ طالب علم آک اسہ خوانوک ءُ راج اس جوڑ کننگ کیر و ننا راج ءِ نزور کروک آ نقل نا ناچوڑ آن چٹفنگ کیر، اوپارے کہ استادآک تینا طالب علم آتے ٹی علم انا شوق ءِ ودی کننگ کن کوشست کیر و اوفتا تیاری ٹی ہروڑاٹ کمک کیر تانکہ امتحانات آتے ٹی اوفتے نقل نا ضرورت محسوس مف۔ اوفک پاریر کہ پوسکن تعینات مروک آ بورڈ آف انٹرمیڈیٹ اینڈ سیکنڈری ایجوکیشن کوئٹہ نا چیئرمین پروفیسر محمد یوسف خراسانی بلوچ اسہ بے کچ ایماندار و قابل ءُ آفیسر اسے و انشاء اللہ بلوچستان نا تعلیمی آب ءِ پین سوگوی ملک۔
