کوئٹہ (پاکستان پوائنٹ نیوز26دسمبر 2018ء) حلقہ پی بی 26کوئٹہ III آن پاکستان پیپلزپارٹی نا پندار اومیتدار حاجی موسیٰ خان خلجی متحدہ مجلس عمل و متحدہ اپوزیشن نا متفقہ اومیتدار مولاناولی محمد ترابی نا حق اٹی دزکش و مخ تفی نا پڑو ءِ کرینے۔ داخیال آتا درشانی ءِ او کوئٹہ پریس کلب اٹی پریس کانفرنس آن تران کرسا کرے۔ داوخت آ جمعیت علماء اسلام نا راہشون و بلوچستان اسمبلی ٹی اپوزیشن لیڈر ملک سکندر خان ایڈووکیٹ، حلقہ پی بی 26کوئٹہ III نا پندار اومیتدار مولانا ولی محمد ترابی و ایلو راہشونک ہم ساڑی ئسر۔
حاجی موسیٰ خان خلجی پارے کہ پاکستان پیپلزپارٹی بلوچستان نا تین پہ تینی سلابت اٹ دا فیصلہ ءِ کننگانے کہ اپوزیشن نا جماعت آک پاکستان مسلم لیگ(ن)، پشتونخوا ملی عوامی پارٹی، بلوچستان نیشنل پارٹی (مینگل) و ایلو آزاد اومیتدار آتا متفقہ اومیتدار تون پبی تفر، 31 دسمبر نا ضمنی گچین کاری ٹی متحدہ مجلس عمل و اپوزیشن نا متفقہ اومیتدار نا سرسہبی نا دے مریک ، اوپارے کہ مولانا ولی محمد ترابی جمعیت علماء اسلام اٹی اسہ ورکراسے نا حیثیت اٹ کاریم کیک ہُج کینہ کہ سرسہب مرسا حلقہ نا الس نا ویل آتا ایسری کن پبی کوشست کیک۔
پریس کانفرنس آن تران کرسا صوبائی اسمبلی ٹی اپوزیشن لیڈر ملک سکندرخان ایڈووکیٹ اسہ سوج اسے نا ورندی ٹی پارے کہ 14جنوری آ سینیٹ نا ضمنی گچین کاری ٹی اپوزیشن نا متفقہ اومیتدار ءِ مون آ اتنگک ہرانا پڑو اینو شام انا گمانی ءِ۔
