فیصل آباد (پاکستان پوائنٹ نیوز26دسمبر 2018ء) بنجائی پارلیمانی سیکرٹری ریلویز و بنجائی ڈپٹی سیکرٹری جنرل پی ٹی آئی میاں فرخ حبیب پارینے کہ نواز شریف و زرداری آ کیس آک ننا حکومت آخا بلکن اوفتا تینا مسکوہی حکومت آک جوڑ کریسر وخت اس کہ عدالتی فیصلہ غان نواز شریف قومی ڈوہدار ثابت و اونا سیاسی آخبت چٹانے ملکی دولت ءِ پلوک آایلو کرپٹ عنصر آتا مقدر ہم جیل آک ءُ۔
چارشنبے نادے آ پارٹی عہدیدار و کارندہ و میڈیا تون ہیت وگپ کرسا اوپارے کہ احتساب عدالت نا نواز شریف نا برخلاف فیصلہ السی است خواہی نا ترجمانی و داہیت انا پیدواری ءِ کہ داسہ وڈی خوری نا بے تاج بادشاہ تے ہچ ءُ دروشم اسے ٹی معافی ملیپک و ملکی خزانہ ءِ بے دردی اٹ پلوک آتا اصل ٹھکانہ جیل آک ءُ ۔ اوپارے کہ پی ٹی آئی نا حکومت ملک انا ہنوک آ وقار و تموک آ ساکھ ءِ بحال کننگ کن قائد اعظم نا فکر آتا روشنی ٹی لائحہ عمل اس ترتیب ترسا مون آ ہِننگ ءِ ۔
اوپارے کہ تحریک آزادی نا جہد اٹی قائد اعظم نا شخصیت روشنی نا اسہ بڑزکو مینار اسے نا حیثیت تخک و قائد اعظم محمد علی جناح نا ولولہ انگیز سرکڑدہ ہی ٹی برصغیر نا مسلمان تا آجو وطن نا تغ پورو مس ہنداخاطران قائد اعظم نا پاکستان اٹی کرپٹ عنصر آتے کن ہچ ءُ جاگہ اس اف ہنداخاطران ملک ءِ پلوک آتے تینا کروک آتا سزا ضرور ملک۔ اوپارے کہ پاکستان تحریک انصاف بڑزکو عدلیہ تون اوار پاکستان نا غٹ عدالت آتا شر فءِ کیک و ملک اٹی کانود نا بالادستی تون اوار بے پرخ احتساب خواہک۔
