ڈپٹی چیئرمین سینیٹ سلیم مانڈوی والا نا علی رضاعابدی نا خون نا مذمت

اسلام آباد(پاکستان پوائنٹ نیوز26دسمبر 2018ء) ڈپٹی چیئرمین سینیٹ سلیم مانڈوی والا ایم کیو ایم نا راہشون علی رضا عابدی نا خون نا ترندی اٹ مذمت ءِ کرینے۔ چارشنبے نادے آ داڑے اسہ بیان اسے ٹی او ایم کیو ایم نا راہشون علی رضاعابدی نا خون آ ڈکھ انا درشانی ءِ کرے و پارے کہ علی رضا عابدی کراچی نا خلقت نا توار ئس ، علی رضاعابدی تینا حلقہ نا الس نا حق اکن توار بڑز کرسا کرے اونا خونی تے دزگیر کننگے و کانود نافذ کروک آ ادارہ غاتون پارے کہ کراچی ٹی امن و ایمنی نا حالیت ءِ المی جوڑ کننگ کن ہروڑنا گام گیج چست کننگے۔