چیئرمین سینیٹ محمد صادق سنجرانی نا علی رضاعابدی نا خون آ است ہسونی نا درشان

اسلام آباد(پاکستان پوائنٹ نیوز26دسمبر 2018ء) چیئرمین سینیٹ محمد صادق سنجرانی ایم کیو ایم نا راہشون و مسکوہی باسک قومی اسمبلی علی رضا عابدی نا قاتلانہ جلہو اٹی تپاخت کننگ آ ڈکھ و است ہسونی نا درشانی ءِ کرینے۔ چارشنبے نادے آ داڑے اسہ بیان اسے ٹی چیئرمین سینیٹ صادق سنجرانی علی رضا عابدی آ قاتلانہ جلہو نا پبی مذمت ءِ کرے و خونی تے دمدستی دزگیری کن ہروڑنا گام گیج کننگ نا پارے۔ اوایماندار نا خاہوت تون دلی ہڑزخواہی کرسا اللہ تعالیٰ آن داخاہوت ءِ صبر جمیل عطاء کننگ کن دعا کرے۔