پاکستان دمگی امنء ُایمنی ءِ منوک ایں، آسراتی پہ مردمانی دیمروئی ءَ حرچ بہ بنت، دری کارانی وزیر مخدوم شاہ محمود قریشی

ملتان (پاکستان پوائنٹ نیوز24دسمبر 2018ء) دری کارانی وزیر مخدوم شاہ محمود قریشی ءَ گشتگ کہ پاکستان دمگی امنء ُایمنی ءِ منوک ایں، آسراتی پہ مردمانی دیمروئی ءَ حرچ بہ بنت۔ اے حیالانی درشانی آئیءَ یک شمبے ءِ روچءَ ڈپٹی اٹارنی جنرل مہر ضمیر حسین سندھل ءِ نیمگءَ چہ ہیڈمحمد والا ءِ نزیکء َ وتی شرپءَ داتگیں مراگشءَ گوں تران کتگ۔ دری کارانی وزیر ءَ گشتگ کہ او گانستان ، ایران ، چین ء ُ روسءِ ترء ُ تاب ءِ سوبءَ وتی ملتانءِ ترء ُ تابءَ گونڈ کنگءَ اَں۔

دری کارانی وزیرءَ گشتگ کہ پاکستان تحریک انصاف ءِ حکومت ءَ جنوبی پنجاپ ءَ را صوبہ جوڑ کنگءِ اصولی فیصلہ کتگ۔ پہ ایشی ءَ آئینی ترمیم کنگءِ ضرورت ایں ۔ آئی ءَ گشتگ کہ جنوبی پنجاپ ءِ یک جتائیں سیکٹریٹ، جتائیں چیف سیکرٹری ء ُ جتائیں آئی جی بیت۔ کہ ایشیءَ چہ مردمانی جیڑہء ُ جنجال گیشء ُ گیوار بنت۔ آئیءَ گشتگ کہ اِدءَ یک جتائیں مزن آمیدگسے بیت کہ اِدءَ وکیلاں دیمروئیء ِ موہ رساں۔ آئیءَ گشتگ کہ راجی فنانس کمیشن ءَ ہم صوبہءِ جتائیں بھرے بیت۔ سینیٹءَ ہم جنوبی پنجاب ءِ برابر سیٹ بنت۔ آئیءَ گشتگ کہ حکومت ءَ جنوبی پنجاپ ءِ جتائیں سیکرٹریٹ جوڑ کنگءِ فیصلہ کتگ۔