دری کارانی وزیر مخدوم شاہ محمود قریشی ءِ تہرانءِ دری کارانی وزیر جواد ظریف ءَ گوں گندء ُنند، دونیمگی سیادی ء ُ دمگی جاورھال ءِ سرءَ حیال ء ُ لیکہ ءِ درشانی

اسلام آباد (پاکستان پوائنٹ نیوز24دسمبر 2018ء) دری کارانی وزیر مخدوم شاہ محمود قریشی ءِ تہرانءِ دری کارانی وزیر جواد ظریف ءَ گوں گندء ُنند، دونیمگی سیادی ء ُ دمگی جاورھال ءِ سرءَ حیال ء ُ لیکہ ءِ درشانی کتگ۔ دری کارانی کارگس ءِ گشگءِ ردءَ دری کارانی وزیر ءَ وتی چارملکی ترء ُتاب ءِ دومی بھرءَ تہران سربوتگ، مہرآباد بالی پڑ ءَ ڈی جی مغربی ایشیا رسول اسلامی ءَ را وش اَتک کتگ۔

اے موہءَ مخدوم شاہ محمود قریشی ءَ گشتگ کہ پاکستان گوں ایران ءَ سیاسی ء ُ اقتصادی سیادی ءَ را گیش محکم کنگ لوٹ ایت۔ اے موہءَ ایرانی دری کارانی وزیر جواد ظریف ءَ گشتگ کہ ایران ءَ دوئیں ملک آنی سیادی ءَ را گہتر کنگءِ جز م کتگ۔ ایشی ءَ پیسر دری کارانی وزیر وتی چارملکی ترء ُ تابءِ اولی بھرءَ دوشمبےء ِ سھبءَ اوگانستان ءِ بنجاہی حکومت کابل ءَ سربوتگ کہ آہودہ اوگان صدر اشرف غنی ء ُاوگانستان ءِ دری کارانی وزیر ءَ گوں گندء ُ نند کتگ۔ اے گندء ُننداں دونیمگی سیادی، اوگان امنء ُ ایمنی عمل ء ُ دمگی ء ُ میاں اوستمانی جاورھال ءِ سرءَ حیالء ُ لیکہءِ درشانی کنگ بوتگ۔