اسلام آباد (پاکستان پوائنٹ نیوز19دسمبر 2018ء) چین پاکستان اقتصادی راہداری (سی پیک) ڈٹ آن پاکستان اٹی روزگار نا وارخواہی تے ٹی ودکی مسنے، سی پیک چین نا ون روڈ اینڈ ون بیلٹ ڈٹ انا 6راہداری آن اسہ اہم ءُ اقتصادی راہداری اسے۔ سی پیک ڈٹ انا رداٹ چین پاکستان اٹی 56ارب ڈالر آن زیات نا زرکاری کننگ ءِ۔ سی پیک سیکرٹریٹ نا کمامدارآتا رداٹ چینی 34ارب ڈالر نا زرکاری پاکستان اٹی توانائی نا بابت بناکروک آ گیشتر ڈٹ آتیا خڑچ کننگ ءِ و داڈٹ آتے ٹی گیشتر پوروی نا مرحلہ غاتا کنڈآ ترندی اٹ روان ءُ۔
سی پیک نا رداٹ 22 ارب ڈالر نا زر بنداوی ڈھانچہ و ایلو ڈٹ آتے کن جتا کننگانے چین پاکستان اقتصادی راہداری نا رداٹ مچ آ ملک اٹی 9 اقتصادی زون جوڑ کننگک ۔ سی پیک نا سوب آن ملک اٹی روزگار نا پوسکن ءُ وارخواہی تے ٹی ودکی مننگ ءِ۔ چین پاکستان راہداری ڈٹ انا رداٹ چین نا شار کاشغر آن گوادر اسکان شاہراہ نا پوروی آن ڈیہہ نا تقدیر بدلینگک۔ چین پاکستان اقتصادی راہداری آن پاکستان نا اقتصادی شونداری ٹی نمان مثبت زہم تمانے۔
