اسلام آباد(پاکستان پوائنٹ نیوز19دسمبر 2018ء) قومی احتساب بیورو نا دیوان چیئرمین جسٹس (ر) جاوید اقبال نا کماشی ٹی نیب ہیڈکوارٹر اٹی اڈ ہلک ہراٹی نیب انا آپریشن ڈویژن و ایلو سینئر آفیسر آک بشخ ہلکر۔ دیوان اٹی غاوتا جانچ پڑتال ، انکوائری و انوسٹی گیشن خاص کر میگا کرپشن نا 179 مقدمہ غاتیا داوخت اسکان نا پیش رفت نا جاچ ءِ ہلنگا۔ دیوان اٹی پاننگاکہ چیئرمین نیب انا پارت آ 179 میگا کرپشن نا مقدمہ غاتیان 105 مقدمہ غاتے ایسری انجام اسکان سرکرسا کانود نا رداٹ وڈی خوری نا ریفرنس معزز احتساب عدالت آتے ٹی جمع کرفنگانے ہرا کہ زیر سماعت ءُ۔
15 مقدمہ انکوائری و 19 مقدمہ انوسٹی گیشن نا مرحلہ غاتے ٹی ءُ ہرافتیا کانود نا رداٹ کارروائی برجاءِ۔ وخت اس کہ 40 مقدمہ غاتے کانود نا رداٹ چٹفنگانے۔ چیئرمین نیب پارے کہ میگا کرپشن نا مقدمہ غاتے ایسری انجام اسکان سرکننگ نیب انا اولیت ءِ۔ دیوان اٹی پاننگاکہ چیئرمین نیب انا پارت آ میگاکرپشن نا زمرہ ٹی بروک آ مقدمہ غاک ہرافتے ٹی کرپشن نا پیسہ کم مریک اوفتے تعلقدار صوبائی اینٹی کرپشن ڈپارٹمنٹس آ گدریفنگک۔
دیوان اٹی پاننگاکہ گدرینگوک آ اسہ سال اٹی 503 بندغ ءِ دزگیر کننگ آن بیدس 440 بندغ نا برخلاف وڈی خوری نا ریفرنس معزز عدالت آتے ٹی دائر کرے ہراکہ مہالو اسہ سال اسے ٹی نیب داخہ وڈی خوری نا ریفرنس آتے ایسری انجام اس سرکتنے و تعلقدار معزز احتساب عدالت آتے ٹی اسہ سال اسے ٹی داخہ وڈی خوری نا ریفرنس دائر کننگتنے۔ دیوان اٹی پاننگاکہ نیب انا 1206 وڈی خوری نا ریفرنس داوخت آ کیہی معزز احتساب عدالت آتے ٹی زیرسماعت ءُ ہرافتے ٹی کروک آ کرپشن نا تخمینہ 900 ارب روپئی ءِ ۔
