اسلام آباد (پاکستان پوائنٹ نیوز19دسمبر 2018ء) پاکستان سکواش فیڈریشن نا صدر و پاک فضائیہ نا سروک ایئر چیف مارشل مجاہد انور خان امریکہ ٹی گوازی کروک آ یو ایس جونیئر اسکواش چیمپین شپ اٹی چاندی نا 2تمغہ دوئی کننگ آ قومی گوازی گر آتے مبارکباد تسنے۔ چارشنبے نادے آ پاکستان اسکواش فیڈریشن نا کنڈآن جاری کروک سرجم احوال آتارداٹ پاکستانی گوازی گرآک یو ایس جونیئر سکواش چیمپین شپ اٹی اِراچاندی نا تمغہ ءِ کٹانو۔
امریکہ ٹی گوازی کروک آ یو ایس جونیئر چیمپین شپ انا انڈر 13کیٹیگری نا فینل اٹی بھارت نا روہن گاندھی پاکستان نا حمام احمد ءِ 11-4، 10-12، 12-10، 10-12 و 11-9 اٹ باترفسا ٹائٹل ءِ تینا پن کرے۔ انڈر 15کیٹیگری نا فینل اٹی امریکہ نا کارنی ٹڈ پاکستان نا محمد حمزہ خان ءِ 8-11، 11-8، 1-6 و 11-17 اٹ شکست ترسا سرسہبی دوئی کرے۔ پاکستان سکواش فیڈریشن نا صدر و پاک فضائیہ نا سروک ایئر چیف مارشل مجاہد انور خان ایونٹ اٹی شاندار کارکڑد آ گوازی گرآتے مبارکبادی تسنے۔
