الیکشن کمیشن نا لس گچین کاری 2018 ء ٹی بشخ ہلوک آ غٹ اومیت دار آتے تینا گچین کاری خڑچ آتا سرجم آتے 28 دسمبر اسکان جمع کرفنگ نا پارت

اسلام آباد (پاکستان پوائنٹ نیوز19دسمبر 2018ء) الیکشن کمیشن لس گچین کاری 2018 ء ٹی بشخ ہلوک آ غٹ اومیت دارآتون پارینے کہ او تینا گچین کاری خڑچ آتا سرجم آتے 28 دسمبر اسکان جمع کرفر، ایلو دروشم اٹ اوفتا برخلاف کانودی کارروائی کننگک۔ ذرائع نا رداٹ الیکشن کمیشن دُن انگا غٹ اومیت دار آتے اطلاع تسنے ہرا داوخت اسکان تینا گچین کاری خڑچ آتا سرجم آتے تعلقدار ریٹرننگ آفیسر یا ضلعی الیکشن کمشنر تون جمع کرفنگ اٹ بے سہب مسنو، اوفتے آخیری وار پارت کننگانے کہ او زوت آن زوت تینا گچین کاری خڑچ (فارم سی) آ ہرے آ جمع کرفنگ نا وضاحت اتون تینا تعلقدار ضلعی الیکشن کمشنر تون 28 دسمبر 2018 ء اسکان جمع کرفر ورنہ اوفتا برخلاف کانودی کارروائی کننگک۔