اسلام آباد (پاکستان پوائنٹ نیوز19دسمبر 2018ء) بنجائی وزیر ڈٹ بندی ، شونداری ، اصلاحات و شماریات مخدوم خسرو بختیار پارینے کہ پاکستان نا مینو فیکچرنگ سیکٹر ءِ مون آ دننگ، برآمد آتے ٹی ودکی و کاروبار کن سازگار چاگڑد اس ودی کننگ کن اصلاحات آتا چرجوئی پبی وڑاٹ برجاءِ، ساڑی حکومت وزیراعظم عمران خان نا سرکڑدہ ہی ٹی ملکی معیشت ءِ گچین جوڑ کننگ کن دے ونن کوشست آتے ٹی اختہ ءِ۔
داخیال آتا درشانی ءِ او داڑے ایگزم بینک انا سروک تون اوڑدہی ٹی کرے۔ بنجائی وزیر پارے کہ پاکستان نا شونداری بجٹ اٹی ہندن ءُ ڈٹ اوار کننگ انگ ءِ ہرا دا اصلاحات آتا نافذ اٹی کمکار جوڑ مریرہ۔ اوپارے کہ سی پیک نا رداٹ پاکستان اٹی 9 خاص ءُ اقتصادی زون تا جوڑ کننگ آن پاکستان نا واپاری نسخان ءِ کم کننگ اٹ کمک رسینگک، پاکستان نا ٹرانسپورٹ سیکٹر اٹی بندرگاہ، شاہراہ و ریل ڈٹ آتے بیلٹ آپریٹ و ٹرانسفر ماڈل اس اختیار کرسا پورو کننگ خوانہ۔ اوپارے کہ آئل اینڈ گیس سیکٹر و ایلو چندی اہم انگا بشخ آتے ٹی بھاز انگا ڈٹ آتے بناکننگ آپبی چکار کننگ انگ ءِ۔ آخبت اٹی معاشی فائدہ و پاکستان نا شرح نمو ءِ ودفنگ اٹ کمکار ڈٹ آتابناءِ کننگک۔
