کوئٹہ (پاکستان پوائنٹ نیوز19دسمبر 2018ء) صوبائی وزیر جان جوڑی بلوچستان نصیب اللہ مری پارینے کہ مچ آ صوبہ ٹی پرائیویٹ ریگولیٹری ایکٹ 2004 ءِ جوان وڑاٹ نافذ عمل کننگ کن خصوصی کمیٹی اس ٹہیفنگانے کمیٹی ہردے ئی بنداو آ غیر رجسٹرڈ پرائیویٹ ہسپتال، لیبارٹری، کلینکس و تڑہ ئی آ ڈاکٹر آتا برخلاف کریک ڈاؤن کننگ ءِ، سرکاری ہسپتال آتے ٹی ڈاکٹر آتا کمتی ءِ پورو کننگ کن ہڑدڑی بنداوآ تعیناتی کننگ انگ ءِ، مچ آ صوبہ ٹی سمگل مروک، غیر معیاری جعلی و تنسیخ مروک دوائی و طبی ازباب آتا کاروباراٹی اوار بندغ آتا برخلاف کارروائی کن صوبائی کہول آ کمیٹی اس ٹہفینے محکمہ جان جوڑی ٹی غیر حاضر کارندہ غاتا برخلاف کارروائی کننگ ءِ، صوبہ ٹی است انا مرض انا ہسپتال نا جوڑ کننگ کن پاک فوج انا کمک اٹ پوسکن ءُ ہسپتال جوڑ کننگ کن گام گیج کننگ انگ ءِ صوبہ ٹی 25نومبر آن نیوٹریشن ایمر جنسی نافذ کننگانے نیوٹریشن ایمرجنسی نا نفاذ نا مسخت صوبہ ٹی غذائی تنکی نا منفی زہم آتے کم کننگ نا ءِ۔
داخیال آتا درشانیءِ او چارشنبے نادے آ کوئٹہ ٹی پریس کانفرنس آن تران کرسا کرے صوبائی وزیر جان جوڑی میر نصیب اللہ مری پارے کہ کمیٹی نا کماشی ءِ ڈاکٹر نسیم کننگ ءِ وخت اس کہ ضلعی انتظامیہ آن ہم خصوصی کمک ہلنگ انگ ءِ غیر کانودی لیبارٹری و ہسپتال آتا برخلاف سخت کارروائی عمل اٹ اتنگ انگ ءِ مسہ دے اٹی کمیٹی 4آن زیات ہسپتال ، ہشت ڈینٹل کلینک آتے سیل کرینے ہسپتال و کلینک آتے صفائی نا ہیبدار حالیت و ڈاکٹر آتا ساڑی مفننگ نا بناآ سیل کننگا اوپارے کہ 509 پوسکن تعینات ڈاکٹرز و میڈیل آفیسر آک غٹ ڈسٹرکٹ آتے ٹی تینا فرض ءِ پورو کننگ ءُ ڈاکٹر ابراہیم خلیل نا خاہوت تون رابطہ ٹی اُن ننا کوشست ءِ کہ نن مغوی ڈاکٹر ءِ زوت یلہ کرفن، ڈاکٹرآتون رابطہ ٹی اُن اوفتا برانز علامتی ءِ، ڈاکٹر آتیان خواست ءِ کہ برانز ناچرجوئی ءِ چٹفسا السی خذمت آتے المی جوڑ کین۔
