چمن شار مین بازار بوغرہ روڈ آ بمب دھماکہ ، قبائلی راہشون تون اوار مسہ بندغ ٹھپی مسر، اسسٹنٹ کمشنر چمن سید سمیع اللہ آغا

چمن (پاکستان پوائنٹ نیوز19دسمبر 2018ء) چمن شار انا مین بازار بوغرہ روڈ آ بمب دھماکہ قبائلی راہشون تون اوار مسہ بندغ ٹھپی مسر اسسٹنٹ کمشنر چمن سید سمیع اللہ آغا پارے کہ دھماکہ بوغرہ روڈ آ ہمووخت آ مس ہراتم قبائلی راہشون حاجی بہاول خان اچکزئی تینا دوکان نا مون آ چاہ کُننگ اٹ اختہ ئس داہم معلوم کننگ داسکان سلوک ءِ کہ دھماکہ ٹائم ڈیوائس اٹ کننگا یا ریموٹ کنٹرول اٹ ولے دادھماکہ ٹی قبائلی راہشون حاجی بہاول خان اچکزئی ءِ نشانہ کننگ نا کوشست کرے دھماکہ نا توار مر مر اسکان بس و دھماکہ آن خڑک ماڑی و دوکان تا شیشہ غاک ہم پنار دھماکہ غان پد پولیس، ایف سی و لیویز و بی ڈی ٹیم شاہدی تے یکجا کننگ نا بناءِ کرینو۔

پولیس و سیکورٹی فورس آک ٹھپی تے دمدستی وڑاٹ ہندی ہسپتال آ مون تسر ہراڑے اوفتے پین درمان کن کوئٹہ غا گدریفنگا، داکان بیدس دھماکہ نا برخلاف ہندی قبیلہ غاک ڈپٹی کمشنر دفتر نا مون آ روڈ آ ٹیر ہشسا ٹریفک ءِ بند کریر ولے ڈپٹی کمشنر چمن شفقت انور شاہوانی قبیلہ تون مذاکرات آن برانز ءِ چٹفے۔