چیئرمین سینیٹ محمد صادق سنجرانی نا ڈل اتون اوار سعودی عرب نا مسک فاؤنڈیشن نا دورہ

چیئرمین سینیٹ محمد صادق سنجرانی نا ڈل اتون اوار سعودی عرب نا مسک فاؤنڈیشن نا دورہ

ریاض (پاکستان پوائنٹ نیوز19دسمبر 2018ء) چیئرمین سینیٹ محمد صادق سنجرانی سعودی عرب نا دورہ ٹی تینا ڈل اتون اوار مسک فاؤنڈیشن نا دورہ ءِ کرے۔ مسک انا سروک بدرالدین قاحیل چیئرمین سینیٹ ءِ بخیر کرے و اودے فاؤنڈیشن نا غرض و مسخت آتیان معلومدار کرے۔ اوپارے کہ ولی عہد شہزادہ محمد بن سلمان مسک فاؤنڈیشن نا بانی ءِ۔ مسک فاؤنڈیشن نا مسخت سعودی ورناتے آخبت نا چیلنج آتون مون تننگ کن تیار کننگ نا ءِ ۔

خاص وڑاٹ تعلیم، دودوربیدگ و میڈیا نا پڑ اٹی اوفتے تربیت تننگ اوار ءِ۔ چیئرمین سینیٹ ءِ مسک فاؤنڈیشن نا سرجم دورہ ءِ کرفنگا و چندی سیکشن آتے ٹی چاہندار آک اودے احوال تسر۔ چیئرمین سینیٹ ولی عہد شہزادہ محمد بن سلمان نا وژن 2030 ء نا ستاءِ کرے ہرانا رداٹ ورناتے شون ہلوک ملک آتا آب انا ٹریننگ تننگ انگ ءِ۔ اومسک انا کاریم نا ہم ستاءِ کرے و پاکستانی ورناتے ہم داکوشست اٹی اوارکننگ نا درشانی ءِ کرے۔ چیئرمین سینیٹ تون اوار ڈل اٹی سینیٹرز احمد خان، مرزامحمد آفریدی، نصیب اللہ بازئی، فدامحمد خان، محمد طلحہ محمود، دلاور خان، خانزادہ خان، غوث محمد نیازی و ایڈیشنل سیکرٹری سینیٹ حفیظ اللہ شیخ ئسک ہم اوارءُ۔