اسلام آباد (پاکستان پوائنٹ نیوز18دسمبر 2018ء) بنجائی وزیر جان جوڑی عامر محمود کیانی پارینے کہ حکومت جان جوڑی نا بشخ اٹی اصلاحات نا مریس و گونڈ وختی ڈٹ آتیا کاریم کننگ ءِ ہرانا بھرمک زوت ملرہ، جہانی ادارہ جان جوڑی نا کمک اٹ داکوشست آتے پین مربوط جوڑ کننگک۔ داخیال آتا درشانی ءِ او جہانی ادارہ جان جوڑی و گاوی نا کنڈآن ای پی آئی پروگرام کن گاڈی تا فراوانی نا بابت اڈ ہلوک آ دود آن تران کرسا کرے۔
قومی ادارہ جان جوڑی ٹی دوشنبے نادے اڈ ہلوک آ دادود اٹی جان جوڑی نا جہانی تنظیمک پاکستان نا ای پی آئی پروگرام کن 32نہادی گاڈی تا عطیہ تس۔ بنجائی وزیر گاوی و جہانی ادارہ جان جوڑی نا کنٹری ڈائریکٹر نا ستاءِ کرے و 32نہادی گاڈی تا جان جوڑی نا بشخ اکن عطیہ آ منت واری ءِ ہرفے۔ بنجائی وزیر پارے کہ حکومت جان جوڑی نا بشخ اٹی اصلاحات آ کاریم کننگ ءِ ہراڑکن کن گونڈو مریس وخت نا ڈٹ آتے کن جہانی ادارہ جان جوڑی یونیسیف ، گاوی و ایلو تعلقدار جہانی ادارہ غاتا کمک اٹ جان جوڑی نا بشخ ءِ مون آ دینہ۔
اوپارے کہ دا گام گیج آتا بھرم بھاز زوت مون آ بننگ بناکیک ہرا ساڑی حکومت نا جان جوڑی نا بشخ اکن اولیت آتا درشانی ءِ۔ عامر محمود کیانی پارے کہ جہانی ادارہ جان جوڑی نا علاقائی ڈائریکٹر صدر مملکت تون ہم اوڑدہی کرے و پبی کمکاری ءِ جاری تخنگ نا عزم انا اعادہ ءِ کرینے۔ داوخت آ جہانی ادارہ جان جوڑی نا علاقائی ڈائریکٹر احمد المند ھاری تران کرسا پارے کہ پاکستان جان جوڑی نا بشخ انا چیلنج آتون مون تننگ کن پبی لائخی تخک۔
