ڈبلیو ایچ او نا مچ آ دنیا و پاکستان اٹی پولیو نا چٹفنگ کن کوشست آتے ٹی کمکاری ستاکڑزک، وزیر جان جوڑی عامر محمود کیانی

ڈبلیو ایچ او نا مچ آ دنیا و پاکستان اٹی پولیو نا چٹفنگ کن کوشست آتے ٹی کمکاری ستاکڑزک، وزیر جان جوڑی عامر محمود کیانی

اسلام آباد (پاکستان پوائنٹ نیوز18دسمبر 2018ء) وزیر جان جوڑی عامر محمود کیانی پارینے کہ جان جوڑی نا جہانی تنظیم ورلڈ ہیلتھ آرگنائزیشن (ڈبلیو ایچ او) نا کنڈآن مچ آ دنیا و پاکستان اٹی پولیو نا چٹفنگ کن کوشست آتے ٹی کمکاری بے کچ ستاکڑزک۔ حکومت جان جوڑی نا بشخ اکن سرکاری خڑچ آتے ٹی ودکی نا عزم کرینے۔ داخیال آتا درشانی ءِ او جان جوڑی نا جہانی تنظیم ڈبلیو ایچ او نا علاقائی ڈائریکٹر تون اوڑدہی ٹی کرے۔

اوپارے کہ سگریٹ و شربت آتیا ہیلتھ خراج نا نفاذ نا سلاہ و سوج انا جاچ ءِ ہلنگ انگ ءِ۔ اوپارے کہ ہیلتھ خراج آن کٹیا جان جوڑی نا ڈٹ آتیا خڑچ مریک۔ جہانی کانود آ عملدرآمد کن پرعزم اُن۔ وزیر جان جوڑی جہانی ادارہ جان جوڑی نا پولیو نا چٹفنگ کن کوشست آتا ستاءِ کرے۔ اوپارے کہ ہیلتھ کارڈ انا دنگ ءِ غٹ ضلع غاتسکان ودفنگک۔ ایچ آئی وی و ٹی بی آ اولیتی بنداو تیا کاریم کننگ ءِ۔

داکان بیدس حکومت ہیلتھ انشورنس اسکیم ءِ پاکستان نا غٹ ضلع غاتسکان ودفنگ نا تہیہ کرینے ہراڑان 8 کروڑ خلقتءِ فائدہ مریک وخت اس کہ یونیورسل ہیلتھ کوریج نا دوئی کن 12ضلع غاتے ٹی فیملی پریکٹس اپروچ اختیار کننگ انگ ءِ ہراڑان 2019-20ء ٹی 8 کروڑ خلقت ءِ فائدہ مریک۔ حکومت انٹرنیشنل ہیلتھ ریگولیشنز ءِ ہم گچین جوڑ کننگ ءِ۔ ناجوڑی تا توننگ کن مچ آملک اٹی ناجوڑی تا تشخیص و درمان نا نظام ءِ گچین جوڑ کننگ انگ ءِ۔ وزارت جان جوڑی ٹی بی و ایچ آئی وی کون آ مرض آتیا خصوصی چکار کننگ ءِ۔