صوبائی وزیر خزانہ تون چینی ڈل انا اوڑدہی

پشاور(پاکستان پوائنٹ نیوز18دسمبر 2018ء) صوبائی وزیر خزانہ تیمورسلیم جھگڑہ تون چینی ڈل اوڑدہی کرے ہرانا کماشی ءِ چن ضیاپینگ کریکہ ، ڈل ین ژاایمپورٹ ایکسپورٹ کمپنی نار داٹ چندی کمپنی تا بڑزکو کمامدارآتیا تالان ئس، ڈل خیبر پختونخوا ٹی زرکاری نا بابت است خواہی نا درشانی ءِ کرے، داوخت آ چینی ڈل انا سروک پارے کہ چینی کمپنی پاکستان اٹی مسہ سد ملین ڈالر اسکان زرکاری نا ارادہ تخک، کمپنی اسہ اسٹیل پلانٹ اس ہم خلنگ خواہک ہراڑکن پختونخوا ٹی مخفی وارخواہی تے کاریم اٹ اتنگک، کمپنی مائینز اینڈ منرلز و سیل و سوات نا بشخ آتے ٹی ہم است خواہی نا درشانی ءِ کرے۔ کمپنی نا است خواہی نا رداٹ تعلقدار محکمہ غاتون چینی کمپنی کن ورکشاپ اس اڈتننگک ہراٹی ممکنہ پروجیکٹ آتیا ہیت مریک۔