اسلام آباد (پاکستان پوائنٹ نیوز17دسمبر 2018ء) چیئرمین سینیٹ صادق سنجرانی ءَ اے پی ایس پشاورءِ شہیداں را خراج عقیدت پیش کنان ءَ گوشت کہ تعلیم مزنیں ہتھیار انت ایشی ءِ سبب ءَ مہ بیم کاری ءُُ ناشرکاری ءَ را پروش دات کنیں۔یک شمبے ءَ جاڑی وتی کلوھ ءِ تہ چیئرمین سینٹ ءَ گوشت کہ 16دسمبر ءِ روچ ہمہ سیاھگیں روچ انت کہ وھدیکہ ناشرکاراں آرمی پبلک اسکول پشاورءِ بے ڈوھیں زھگاں را نشانگ جوڈ کتگ۔
آہاں گوشت کہ واکیہ ءِ تہ جتا بیوکیں مردماں را ہروھد یات دارگ بیت۔آہاں گوشت کہ سرجمیں راج بے ڈوھیں شہیدانی والدین ءِ ڈکھ ءَ بروبر ءِ شریک انتءُُ راج ءَ ناشرکاری ءِ ھلاپ جنگ ءِ تہ ہمہ کیمت ادا کتگ کہ ایشی ءِ تخمینہ نیست انت۔آہاں گوشت کہ ناشرکاری ءَ را تعلیم ءِ سبب ءَ دائمی پروشت دیگ بیت۔چیئرمین سینیٹ ءَ گوشت کہ پاکستان ءِ فوج ءُُ کانود برجاہ داروکیں دراھیں ادارگ ءِ ہمہ دراھیں ہیروز ءَ را سلام پیش کنگ انت کہ آہاں ناشرکاری ءِ ھلاپ جنگ ءِ تہ قربانی داتگ انت۔(ن۔ا۔ج)
