مزن وزیر عمران خان یک روچی ترء ُ تابءَ پشاورءَ سربوتگ

پشاور(پاکستان پوائنٹ نیوز14دسمبر 2018ء) مزن وزیر عمران خان جمعہ ءِ روچءَ یک روچی ترء ُتابءَ پشاورءَ سربوتگ۔ مزن وزیر لاہورءَ پد پشاورءَ ہم پہ نیزگارء ُ پوریاگراں نندجاہ ءِ بُنگیجءَ کنت۔ مزن وزیر ءِ خیبرپختونخوا ءِ گورنرء ُ سروزیر ءَ گوں گندء ُ نند بیت وہدے کہ مزن وزیر صوبائی کابینہ ءِ دیوانءِ سروکی ءَ ہم کنت۔ مزن وزیر عمران خان خیبر پختونخوا ءَ پی ٹی آئی حکومتءِ دومی رندءَ حکومتءَ آہگ ءَ پد وتی اولی 100روچانی کارء ُ کردءِ ہوالگءَ یک مچی یے ءَ گوں تران کنت۔