اسلام آباد (پاکستان پوائنٹ نیوز14دسمبر 2018ء) دیمپانی پیداوارءِ بنجاہی وزیر زبیدہ جلالءَ گشتگ کہ پاکستان ساؤتھ افریقہ ءِ گوما وتی سیادیءَ را باز ارزشت دنت ۔ آ جمعہ ءِ روچءَ ساؤتھ افریقہ ءِ ہائی کمشنر میپینڈیلو جیلیلءَ گوں گندء ُنندءَ گپء ُتران کنگءَ بوتگ، دوئیں ملک آنی دیمپانی پیداواری پڑ ءَ کمک ءَ را گیش کنگءِ ارزشت ءَ را پدر کتگ۔ دوئیں رھشوناں دونیمگی پائدگ، دیمپانی پیداوار ، دودء ُ ربیدگ ، سیلء ُ سواد ، کشتء ُ کشاری، سائنس اینڈ ٹیکنالوجی ءَ کمک ءَ را گیش کنگءِ سرءَ زور پِر داتگ۔
بنجاہی وزیر زبیدہ جلا لءَ گشتگ پاکستان ء ُ جنوبی افریقہ ءِ نیامءَ 1994ءَ سفارتی سیادی جوڑ بوتگ اَنت ء ُدوئیں ملک آنی نیامءَ جوانیں سیادی اَست،پاکستان ء ُجنوبی افریقہ ءِ نیامءَ فوجی ء ُ دیمپانی سیادی ءَ را گیش کنگءِ موہ اَست۔ بنجاہی وزیر زبیدہ جلال ءَ دیمپانی پڑءَ کمک ءَ را گیش کنگءِ سرءَ زور پرداتء ُ گشتگ کہ دوئیں ملک یکجائی منصوبہءِ امکانات درگیجگ ءَ اَں، پاکستانءَ دیمپانی صنعت جوانیءَ دیمروئی کنگءَ اِنت۔
