اسلام آباد(پاکستان پوائنٹ نیوز13دسمبر 2018ء) وزیر مملکت موسمیاتی بدلی زرتاج گل پارینے کہ پارلیمنٹ نا قائمہ کمیٹی تے زوت ٹہیفنگک، اپوزیشن ایوان اٹی بے مسخت شرہ آن وڈی خوری نا مقدمہ غاتیا پردہ شاغنگ نا کوشست کننگ ءِ، مستین نا حکومت آتا دور تے ٹی کیہی سال اسکان قائمہ کمیٹی تے ٹہیفنگتو۔ مسلم لیگ (ن) نا بابت آن وخت ءِ زیان کننگ ءِ۔ چارشنبے نادے پارلیمنٹ ہاؤس نا پیشن میڈیا تون ہیت وگپ کرسا وزیر مملکت پارے کہ ہرادے آ شہباز شریف نیب اٹی پیش مریک اوکان پد ایوان اٹی بریک ادارہ غاتے خراب پاہک۔
اوپارے کہ ہراتم کرپٹ اسے آ دُوشاغنگک تو جمہوریت ءِ خطرہ مریک۔ وزیر مملکت پارے کہ مستین نا حکومت آک اسہ سال اسکان کمیٹی تے جوڑ کتوس۔ ساڑی حکومت نا دور اٹی مسلم لیگ (ن) دابابت آن وخت ءِ زیان کننگ ءِ۔ دابابت امنائی ودی کننگ انگ ءِ بروک آ منہ دے اٹی کمیٹی تے ٹہیفنگک۔
