اسلام آباد(پاکستان پوائنٹ نیوز13دسمبر 2018ء) وزیراعظم عمران خان پاکستان تحریک انصاف نا سینیٹ نا باسک آتے ایوان بالا نا غٹ سیشن آتے ٹی حاضری ءِ المی جوڑ کننگ نا پارت کرسا پارینے کہ او چندی بشخ آتے ٹی حکومت نا کنڈآن مروک آاصلاحات ، شونداری ڈٹ و ڈٹ بندی نا بارواٹی پی ٹی آئی نا پبی نمائندگی ءِ کیر۔ اوداہیت ءِ سینیٹ اٹی قائد ایوان سینیٹر شبلی فراز نا کماشی ٹی خیبر پختونخوا آن تعلق تخوک آ پی ٹی آئی نا سینیٹر آتون ہیت وگپ کرسا پارے ہراک پنچ شنبے نادے آوزیراعظم آفس اٹی اوڑتون اوڑدہی کریر۔
وزیراعظم پی ٹی آئی نا سینیٹر آتے پارت کرے کہ او ایوان بالا نا حکومتی گام گیج آتیان معلومدارکیر و حکومت نا کنڈآن چندی بشخ آتے ٹی مروک آ اصلاحات، شونداری ڈٹ و ڈٹ بندی نا بارواٹی ایوان بالا ٹی پی ٹی آئی نا پبی نمائندگی ءِ کیر۔
