مدینہ منورہ(پاکستان پوائنٹ نیوز12دسمبر 2018ء) صدر ءَ گوں مذہبی کارانی وزیر ڈاکٹر نورالحق قادری ءِ گند ء ُ نند، سعودی عرب ءَ گوں حج منء ُ گر ءِ ہوالگءَ شونشت دئیگ بوتگ۔ مذہبی کارانی وزارت ءِ گشگءِ ردءَ چارشمبے ءِ روچءَ مذہبی کارانی وزیر ڈاکٹر نورالحق قادری ءَ صدر ڈاکٹر عا رف علوی ءَ گوں گندء ُ نند کتگ۔ صدر عارف علوی ءَ پاکستانی حاجی اَنی کوٹہ ءَ 5ہزار ءِ گیشی ءَ را ساڑاتگ۔
صدرءَ گشتگ کہ آ سعودی فرمانروا شاہ سلمان ءَ گوں وتی گندء ُ نند ءَ نوکیں مردم شماری ءِ ردءَ پاکستان ءِ حج کوٹہءَ گیش کنگءِ دزبندی ءَ کنت۔ ایشی ءَ پد ڈاکٹر نورالحق قادری ءَ صدر ڈاکٹر عارف علوی ءِ ہمراہ رسول ءِ روضہ مبارک ءَ حاضری داتگ۔ اے موہءَ پہ ملک ء ُ راج ءِ سلامتی ء ُ دیمروئی ءَ ہاسیں دعاہم کتگ۔
